Croeso i Medrwn | a people development programme providing free or highly subsidised training tailored to local tourism needs.


	Mae rhaglen datblygu adnoddau dynol MEDRWN yn defnyddio'r slogan *"MEDRWN ... eich datblygu" / "WE CAN .... develop you".*

Rydym yn cynnig gwasanaethau hyfforddi a datblygu i fusnesau twristiaeth yn ardaloedd Amcan 1 ac Amcan 3 Canolbarth Cymru sef Ceredigion, Meirionnydd a Phowys.

Mae ein hwyluswyr profiadol yn cydweithio â busnesau lleol yn eu cymunedau i ganfod beth yw anghenion hyfforddi'r cyflogwyr a'r gweithwyr. Byddwn yn trin pawb yn gyfartal, yn cynnwys y rhai sydd â gofynion arbennig e.e. hyfforddiant trwy gyfrwng y Gymraeg, cyfleusterau ar gyfer pobl anabl a meithrinfeydd.

Mae Medrwn yn ceisio cynnig hyfforddiant hyblyg a chyfleus trwy ddatblygu cyrsiau, gweithdai, seminarau, digwyddiadau a theithiau cynefino, gan annog rhwydweithio a rhannu arferion gorau.

Mae hyn yn swnio'n dda ond beth fydd y gost i chi?

Bydd Medrwn yn cynnig gweithgareddau'r rhaglen am ddim os oes modd neu'n cynnig cymorthdal hael. Mae'n rhaid i ni gadw at ein cyllideb ond caiff pob cwrs neu ddigwyddiad ei ystyried yn ôl ei haeddiant ei hunan. Os na allwn ni helpu, bydd Medrwn yn ceisio'ch cyfeirio at raglenni neu gymorth arall addas.

Mae Medrwn yn gyfle ardderchog i gydweithio â phob math o fusnesau yn yr ardal. Mae twristiaeth yn effeithio ar bob math o wahanol fusnesau - siopau, garejus a chanolfannau hamdden lleol, darparwyr llety, atyniadau a busnesau gweithgareddau. Nod Medrwn yw helpu'r holl fusnesau hyn i gael cymorth trwy gyfrwng y rhaglen a darparu hyfforddiant mewn ffordd hyblyg ac arloesol.

Edrychwch trwy'r gwefan i weld beth rydym eisoes wedi'i gyflawni a sut y mae busnesau wedi elwa hyd yma. Cewch ddarllen am y cyrsiau a gynhaliwyd a'r rhai y bwriedir eu cynnal a nodi beth yw eich diddordebau.

Edrychwn ymlaen at gydweithio â chi.